Dossent Dr. Mirxalıq Cavadov

Cərrahi yanaşma

Cərrahiyyədə ən çətin qərar çox vaxt “necə əməliyyat etmək” yox, “əməliyyat etmək lazımdırmı” sualıdır. Eyni diaqnoz iki xəstədə tamamilə fərqli plan tələb edə bilər: yaş, müşayiət edən xəstəliklər, şişin yerləşməsi və mərhələsi, əvvəlki əməliyyatlar — bunların hamısı qərara təsir edir. Buna görə müayinə söhbətlə başlayır, təsvir müayinələri isə sonra gəlir.

Mümkün olan hallarda qapalı (laparoskopik) üsula üstünlük verilir — kəsiklər kiçik olur və bərpa adətən daha sürətli gedir. Lakin qapalı üsul hər xəstə üçün uyğun deyil; şişin ölçüsü, yapışıqlar və ya əvvəlki əməliyyatlar açıq üsulu daha təhlükəsiz edə bilər. Əməliyyat zamanı vəziyyət dəyişərsə, açıq üsula keçmək qüsur deyil, təhlükəsizlik qərarıdır.

Onkoloji hallarda qərar tək bir həkimin deyil, konsiliumun işidir. Cərrah, onkoloq, radioloq və patoloqun birgə müzakirəsi (multidissiplinar yanaşma) müalicənin ardıcıllığını — əvvəlcə əməliyyat, yoxsa əvvəlcə dərman müalicəsi — müəyyən edir.

Elmi və akademik fəaliyyət

Beynəlxalq indeksli jurnallarda 48 məqalənin müəllifi və həmmüəllifidir, onlardan 32-si PubMed-də indekslənib; Google Scholar üzrə h-indeksi 10-dur. 6 tibbi kitabın hazırlanmasında iştirak edib: Türkiyədə nəşr olunmuş beş kitabda fəsil müəllifidir, “Minimal İnvaziv Cərrahiyyə” kitabının isə həmredaktorlarındandır.

Tədqiqat mövzuları əsasən kolorektal və robotik cərrahiyyə, qalxanabənzər və paratiroid vəzi xəstəlikləri, süd vəzi xəstəlikləri və yırtıq diaqnostikası üzrədir.

2017–2022-ci illərdə Yeditepe Universiteti Tibb Fakültəsində müəllim, asistent və dosent olub, fakültədə ümumi cərrahiyyə üzrə təhsil koordinatoru vəzifəsini icra edib.

Məqalələrin, konqres məruzələrinin və mükafatların tam siyahısı →

Elmi-praktik təcrübə, kurslar və sertifikatlar

• Konservativ mastektomiya və süd vəzinin rekonstruksiyası kursu (ALEXIA) — İsgəndəriyyə Universitetinin Tibb Fakültəsi, İsgəndəriyyə, Misir, 2026
• PCCM’S-ISOS & ABDSA Oncoplastic & Reconstruction Breast Surgery Workshop — onkoplastik və rekonstruktiv süd vəzi cərrahiyyəsi kursu, Bakı, 27–29 avqust 2026 (30 KTT krediti)
• II Təkmilləşdirilmiş onkoplastik süd vəzi cərrahiyyəsi bacarıqları kursu (2nd Advanced Oncoplastic Breast Surgical Skills Course) — Nasser adına Tədqiqat və Müalicə İnstitutu, Qahirə, Misir, 2025 (RCSEd, 12 CPD saatı)
• Laparoskopik cərrahiyyə üzrə diplom və sertifikat — Strasburq Universiteti, IRCAD, Fransa, 2023–2024
• Laparoskopik ümumi cərrahiyyə üzrə intensiv kurs (Intensive Course in Laparoscopic General Surgery) — IRCAD, Strasburq, 13–17 may 2024 (37,5 Avropa KTT krediti, EACCME)
• Ümumi cərrahlar üçün laparoskopiya üzrə təkmilləşdirmə kursu (Laparoscopy for General Surgeons Advanced Course) — IRCAD, Strasburq, 16–18 oktyabr 2023
• Onkoplastik süd vəzi simpoziumu — Türkiyə Süd Vəzi Xəstəlikləri Federasiyası, İzmir, 2022
• Elmi tədqiqat və kadaver üzərində laparoskopik və robotik kolorektal cərrahiyyə kursu — Nyu-York Dövlət Universiteti, Stony Brook, Kolon və Rektal Cərrahiyyə bölməsi, ABŞ, 2016

Diplom və sertifikatların şəkillərinə baxın

Assosiasiya üzvlükləri

• Avropa Koloproktologiya Cəmiyyəti (ESCP) — 2019
• Avropa Endoskopik Cərrahiyyə Assosiasiyası (EAES) — 2019
• Türk Cərrahiyyə Dərnəyi (TCD) — 2018
• Beynəlxalq Cərrahlar, Qastroenteroloqlar və Onkoloqlar Assosiasiyası (IASGO) — 2017
• Azərbaycan Süd Vəzi Xəstəlikləri Mütəxəssisləri Assosiasiyası (ASVXMA) — 2025
• Azərbaycan Hepato-Pankreato-Biliar Cərrahlar Assosiasiyası (AHPBA) — 2024

Yenilənib: 21 sentyabr 2026