Dossent Dr. Mirxalıq Cavadov Süd vəzi · Ümumi cərrahiyyə
Qəbul

Süd vəzi xəstəlikləri · Ümumi cərrahiyyə · Bakı

Dossent Dr. Mirxalıq Cavadov

Süd vəzi xəstəlikləri mütəxəssisi · Dossent Dr. · Ümumi cərrah

Süd vəzinin xoşxassəli xəstəlikləri və xərçəngi, yumşaq toxuma törəmələri, kolorektal, endokrin və öd yolları cərrahiyyəsi ilə məşğul olur; əməliyyatların böyük hissəsini laparoskopik üsulla icra edir. İstanbul Tibb Fakültəsini bitirib, Marmara Universitetində ümumi cərrahiyyə ixtisası alıb və Türkiyədə dosent elmi dərəcəsi qazanıb. Hazırda Olimp Hospitalda çalışır.

  • Dosent (YÖK, 2022)
  • 48 beynəlxalq məqalə · h-indeks 10
  • Onkoplastik və rekonstruktiv süd vəzi cərrahiyyəsi kursları (2025–2026)
  • Strasburq Universiteti — laparoskopik cərrahiyyə diplomu
  • EAES Roma 2023 — ən yaxşı şifahi təqdimat
Qəbula yazıl
Dossent Dr. Mirxalıq Cavadov, ümumi cərrah
MC Dossent Dr. Mirxalıq Cavadov

Video təqdimat

Həkimin öz sözləri ilə

Qısa video təqdimat: hansı xəstəliklərlə məşğul olur, müayinə necə keçir və hansı hallarda gecikmədən müraciət etmək lazımdır.

  • Süd vəzinin xoşxassəli xəstəlikləri və süd vəzi xərçəngi
  • Onkoplastik və laparoskopik cərrahi yanaşma
  • Müayinə necə keçir və nə vaxt gecikmədən müraciət etmək lazımdır
  • Olimp Hospital, Yasamal rayonu, Bakı

Dossent Dr. Mirxalıq Cavadov — süd vəzi xəstəlikləri mütəxəssisi, ümumi cərrah. Video həkimin öz təqdimatıdır və müayinəni əvəz etmir.

Xidmətlər

Hansı sahələrdə əməliyyat edir

Həkimin əsas fəaliyyət sahələri — süd vəzi xəstəlikləri və yumşaq toxuma törəmələri. Hər bölmədə müayinənin necə aparıldığı və əməliyyat qərarının nədən asılı olduğu izah olunur.

Süd vəzi cərrahiyyəsi

Süd vəzinin xoşxassəli xəstəlikləri — fibroadenoma, filloides, papilloma, kista, abses, əlavə süd vəzisi; süd vəzinin xoşxassəli törəmələri, xoşxassəli və bədxassəli düyünlər, süd vəzi xərçəngi.

Ətraflı

Yumşaq toxuma cərrahiyyəsi

Yumşaq toxuma törəmələrinin və lipomanın qiymətləndirilməsi, cərrahi çıxarılması və histoloji müayinəsi.

Ətraflı

Bütün xidmətlər

Peşəkar zəmin

Təcrübə harada formalaşıb

Cərrahi təhsilini və akademik karyerasını Türkiyədə qurub: İstanbul Tibb Fakültəsi (2007), ardınca Marmara Universitetində ümumi cərrahiyyə uzmanlığı (2016). 2016-cı ildə ABŞ-da Stony Brook Universitetinin kolon və rektal cərrahiyyə bölməsində elmi tədqiqat və kadaver üzərində laparoskopik və robotik kolorektal cərrahiyyə kursu keçib.

2017–2022-ci illərdə Yeditepe Universiteti Tibb Fakültəsində müəllim, asistent və dosent olub, ümumi cərrahiyyə üzrə təhsil koordinatoru vəzifəsini icra edib; 2022-ci ildə Türkiyə Yüksək Öyrətim Kurulu (YÖK) tərəfindən dosent elmi dərəcəsini alıb. 2022–2024-cü illərdə Medicana International Ataşehir Hospital-da uzman cərrah olub. 2025-ci ildən Bakıda çalışır; hazırda Olimp Hospital tərkibindədir.

Tam bioqrafiya

Dossent Dr. Mirxalıq Cavadov əməliyyat zamanı komanda ilə birlikdə
Əməliyyat otağında komanda ilə birlikdə.

Elmi fəaliyyət

Yoxlana bilən akademik iz

Cərrahiyyədə təcrübə iddia ilə deyil, sənədlə ölçülür. Göstəricilər həkimin CV-sinə əsaslanır; nəşrləri PubMed və ORCID-də özünüz yoxlaya bilərsiniz.

Məqalələr
48 beynəlxalq indeksli məqalə, 32-si PubMed-də · Google Scholar h-indeksi 10
Kitablar
Türkiyədə nəşr olunmuş 6 tibbi kitab — 5 kitabda fəsil, 1 kitabda həmredaktorluq
Assosiasiyalar
ESCP, EAES, Türk Cerrahi Derneği, IASGO, ASVXMA, AHPBA
Dossent Dr. Mirxalıq Cavadov 31-ci EAES Beynəlxalq Konqresində məruzə edir, Roma, 2023
31-ci EAES Beynəlxalq Konqresi, Roma, 2023 — rektal xərçəng cərrahiyyəsi üzrə məruzə, ən yaxşı şifahi təqdimat mükafatı.

Nəşrlər və konqreslər

Cərrahi xəstəliklər

Ən çox müraciət olunan mövzular

Əlamətləriniz varsa, əvvəlcə nə ilə qarşılaşdığınızı anlamaq faydalıdır. Bu səhifələr diaqnoz qoymur — müayinəyə necə hazırlaşacağınızı və nə vaxt gecikmədən müraciət etməli olduğunuzu izah edir.

Süd vəzinin xoşxassəli xəstəlikləri

Fibroadenoma, filloides, papilloma, kista, abses və əlavə süd vəzisi — nə vaxt izlənilir, nə vaxt çıxarılır.

Oxu

Süd vəzi xərçəngi

Xoşxassəli və bədxassəli düyünlərin fərqi, əlamətlər, diaqnostika və cərrahi müalicə variantları.

Oxu

Yumşaq toxuma törəmələri

Yumşaq toxuma törəmələri və lipoma: nə vaxt təhlükəsizdir, nə vaxt çıxarılır.

Oxu
  • Süd vəzinin xoşxassəli xəstəlikləri
  • Fibroadenoma
  • Filloides
  • Papilloma
  • Kista
  • Abses
  • Əlavə süd vəzisi
  • Süd vəzinin xoşxassəli törəmələri
  • Xoşxassəli düyünlər
  • Bədxassəli düyünlər
  • Süd vəzi xərçəngi
  • Yumşaq toxuma törəmələri
  • Lipoma

Bütün xəstəliklər

Qəbul

Müraciət necə gedir

Cərrahi qərar bir müayinə ilə verilmir. Aşağıdakı ardıcıllıq planlı müraciətlər üçündür; təcili hallarda dərhal təcili yardıma müraciət edin.

  1. Əlaqə və ilkin məlumat

    WhatsApp və ya telefon vasitəsilə şikayətinizi qısaca bildirirsiniz. Əlinizdə olan müayinə nəticələri varsa, əvvəlcədən göndərə bilərsiniz.

  2. Müayinə

    Şikayətin tarixçəsi dinlənilir, fiziki müayinə aparılır, mövcud analiz və görüntüləmə nəticələri birlikdə qiymətləndirilir.

  3. Lazım olan əlavə müayinələr

    Ehtiyac olarsa ultrasəs, tomoqrafiya, endoskopiya, biopsiya və ya qan analizləri təyin edilir. Bəzi hallarda müxtəlif ixtisaslardan həkimlərin birgə müzakirəsi tələb olunur.

  4. Müalicə planının müzakirəsi

    Nəticələr aydınlaşandan sonra variantlar, gözlənilən fayda və mümkün risklər izah edilir. Əməliyyat yeganə variant deyil və hər xəstədə fərdi qiymətləndirilir.

  5. Əməliyyat və izlənmə

    Qərar verildikdə əməliyyata hazırlıq, gözlənilən yatış müddəti və sonrakı nəzarət qrafiki əvvəlcədən danışılır.

Fikrinizi dəqiqləşdirmək istəyirsiniz?

Başqa həkimdə əməliyyat təklif olunubsa və ikinci rəy almaq istəyirsinizsə, mövcud sənədlərinizlə müraciət edə bilərsiniz.

Yenilənib: